۔Global initiative for asthma (جی ،ائی ،این ،اے) کے زیر اہتمام ہر سال دنیا بھر میں مئی کے پہلے منگل "world asthma day" منایا جاتا ہے ۔ اس کا مقصد لوگوں کو اس بارے میں تعلیم دینا کہ سانس کے مسائل اور دیگر الرجک بیماریوں پہ قابو کیسے حاصل کیا جاسکتا ہے ۔ اس سال اس دن کے لیے جس تھیم کا اجراء کیا ہے وہ ہے
۔" Uncovering asthma misconceptions"
یعنی دمہ کہ غلط فہمیوں سے پردہ اٹھانا
اس تھیم کا مقصد دمہ کے بارے میں موجود خرافات اور غلط فہمیوں کو دور کرنے کے لیے call-to-action فراہم کرنا ہے ۔ اس کے علاج کے حوالے سے اکثر غلط فہمیاں نقصان دہ ہوتی ہیں اور یہ غلط فہمیاں علاج کی راہ میں رکاوٹ ہے ۔دنیا بھر میں دمہ کے متعلق معلومات کا فقدان ہیں اور اکثر دمہ کے مریضوں کو بھی نہیں معلوم ہوتا ہے کہ اخر اس سے چھٹکارا کیسے حاصل کیا جاسکتا ہے ۔
رینالس آف گلوبل ہیلتھ کے 2020 کی رپورٹ کے مطابق اس وقت دنیا بھر میں تقریبا تین سو ملین سے زائد افراد اس مرض میں مبتلا ہیں اسی تحقیق میں اگے بتایا گیا کہ امریکہ، برطانیہ اور سویڈن جسیے ترقیافہ ممالک میں بھی دمہ کے مریض بہت زیادہ ہیں ۔ 2020 تک سی ڈی سی کی رپورٹ بتاتی ہے کہ 15 سے زائد عمر کے 8.4 ℅ افراد جبکہ 5۔8 ℅ فیصد بچے اس مرض میں مبتلا ہیں ۔
۔GINA کی رپورٹ کے مطابق پاکستان میں دمہ کا پھیلاو چار یا پانچ فیصد ہیں ، طرز زندگی میں تبدیلی ،ماحولیاتی آلودگی ، موٹاپا اور ورزش میں کمی اس بیماری کو بڑھانے کے سب سے بڑے اسباب ہیں ۔
دمہ ایک بیماری ہے جو پھیپڑوں کو متاثر کرتی ہے یہ بچوں میں زیادہ دیر تک رہتی ہے البتہ بڑوں کو بھی یہ بیماری ہو سکتی ہے ۔ genetic tendency الرجک بیماریوں کو پیدا کرنے کا ایجنٹ ہے ۔ اگر آپ کو دمہ ہے تو آپ تب تک محسوس نہیں کرسکتے جب تک ہوا کی آلودگی اپ کے پھیپڑوں کو متاثر نہ کرے ۔ dust mites اور تمباکو کا دھوان الرجین کو بڑھاتے ہیں ۔
آپ کو دمہ ہے کیسے بتائیں گے ؟
یہ بات بتانا مشکل ہے کہ دمہ ہے یا نہیں خصوصا بچوں میں ۔ اس کا حل یہ ہے کہ جب بھی سانس پھولنا شروع ہوجائے فورا ڈاکٹر کی طرف رجوع کریں کیونکہ ڈاکٹر دیکھے گا کہ اپ کے پھیپھڑے کتنے بہتر طریقے سے کام کررہے ہیں ۔ الرجی کی جانچ پڑتال کرنے کے بعد آپ کو یہ معلوم کرنے میں مدد ملے گی کہ آیا آپ کو دمہ ہے یا نہیں ۔
دمہ کیسے آپ کے Airways کو متاثر کرتا ہے ؟
دمہ کے دورے میں کھانسی ،سینے میں جکڑن ،گھرگھراہٹ اور سانس لینے میں دشواری وغیرہ شامل ہیں ۔ دمہ ائیرویز پہ حملہ ور ہوتا ہے ائیر ویز پھیپھڑوں تک ہوا لے جاتی ہیں جو ہی ہوا پھیپھڑوں سے گزرتی ہے ہوا کے رستے چھوٹے ہو جاتے ہیں۔مگر دمہ کے دوران پھیپھڑوں کے ساتھ ائیرویز پھول جاتے ہیں اور سکڑ جاتے ہیں جس کی وجہ سے کم مقدار میں ہوا پھیپھڑوں میں اندر باہر ہوجاتی ہے اور بغلم ہوا کی نالیوں کو بند کردیتی ہے جسکی وجہ سے سانس لینے میں دشواری ہوتی ہے ۔
کونسے مسائل دمہ کے علامات کا سبب بن سکتے ہیں ؟
دمہ کے تین بڑے علامات ہیں ۔
ہوا کے رستے میں رکاوٹ : جب ہم معمول کے مطابق سانس لیتے ہیں تو پھٹوں کے اردگرد بیڈ آرام دہ ہوجاتے ہیں جب دمہ ہوتا ہے تو پھٹے سخت ہو جاتے ہیں اور ہوا کا گزرنا محال ہوجاتا ہے ۔ دمہ کی سوزش سے پھیپھڑوں میں سرخ سوجن اور bronchial tubes کا سبب بنتا ہے اور یہ سوزش پھیپھڑوں کو نقصان پہنچا سکتی ہے ۔
ائیر ویز کی چڑچڑا پن : دمہ کے شکار افراد کے ائیرویز بہت حساس ہوتے ہیں ۔
اس کے علاوہ کھانسی (خاص طور پر رات و صبح سویرے) ،سانس میں کمی، سینے میں تنگی درد یا دباؤ وغیرہ بھی ہوتا ہے ۔ ضروری نہیں کہ یہ ساری علامات سب میں موجود ہو اکثر میں تو علامات ظاہر نہیں ہوتے یاد رہے , علامات مرض کی نوعیت کے حساب سے ظاہر ہوں گئی ۔ کبھی کبھی وائیرس انفکیشن کے دوران سانس لینے میں دشواری ہوتی اور یہ سنگین علامات ہے ۔جب گاڑھا بلغم سینے میں جمع ہوتا ہے تو سانس لینے کی نالی بند ہو جاتی ہے بر وقت علاج نہ کرنے کی صورت میں یہ علامات جان لیوا بھی ثابت ہوتی ہے ۔
دمہ کے کئی قسمیں ہیں ۔
•۔ allergic asthma یہ مختلف
چیزوں سے ہوسکتا ہے مثلا دھول ،پالتو جانور اور خشکی وغیرہ
۔non-allergic asthma یہ شدید سردی یا گرمی کی وجہ سے ہوسکتا ہے ۔ یا پھر زکام کے دوران بھی ظاہر ہوسکتا ہے.
۔ occupational asthma یہ عام طور پر ان لوگوں میں ہوتا ہے جو دھول اور کیمیائی دھوانوں کے اردگرد کام کرتے ہیں
۔ aspirin induced Asthma بہتے ناک ،نزلہ و زکام کے دوران aspirin لینے سے یہ بیماری ہوتی ہے ۔ اس کے علاوہ بھی کئی دمہ کے قسمیں ہیں۔
کیا دمہ کا علاج ممکن ہے ؟
یہ بات مسلم ہے کہ تمام عمر کے لوگوں کو دمہ ہوسکتا ہے ماہرین کہتے ہیں کہ فی الحال دمہ کا کوئی علاج نہیں. البتہ مختلف قسم کے طریقہ علاج سے دمہ کے علامات کو کنٹرول کیا جاسکتا ہے جس سے اپ نورمل فعال زندگی گزار سکتے ہیں ۔ انہیلر بنیادی علاج ہے اس کے علاوہ مرض شدید ہونے کی صورت میں گولیاں اور دوسرے علاج کی ضرورت پڑ سکتی ہے ۔
انہیلر تین قسم کے ہوتے ہیں ۔
۔reliever inhalers یہ دمہ کے علامات ظاہر ہونے کے بعد اس خود سے الگ کرنے کے لیے استعمال ہوتا ہے۔
۔ preventer inhalers جسے روکنے والی انہیلر بھی کہتے ہیں جو علامات کی نشونما کو روکنے میں مدد دیتی ہے ۔ . combination inhalers یہ دونوں کے لیے استعمال ہوتا ہے ۔ جب ریلیور اور پریونٹر انہیلر کے استعمال سے دمہ کنٹرول نا ہو تو پھر کمبینشن انہیلر استعمال کیا جاتا ہے ۔
اگر اس سے بھی علاج ممکن نا ہو تو پھر گولیاں لینی پڑھتی ہے
۔ lecukotriene receptor antagonist (LTRAs) یہ دمہ کی روک تھام کے لیے استعمال ہونے والی اہم دوائی ہے یہ شربت اور پاوڈر کی شکل میں بھی استعمال ہوتی ہے ۔
۔اس کے علاوہ steroids tablets & theophylline بھء استعمال ہوتا ہے جب کوئی بھی گولی علامات کو کنٹرول کرنے میں نام ہو ۔
اسیطرح انجکشن اور سرجری بھی کی جاتی ہے البتہ یہ شازونادر ہی ضرورت پڑھ سکتی ہے ۔ شدید دمہ کے مریضوں کو چند ہفتوں میں ایک انجکشن لگایا جاتا ہے ۔omalizumab, benralizumab , restizumab اور mepolizumab جیسی انجکشن استعمال کی جاتی ہیں ۔ یہ دوائی حیاتیات علاج کے نام سے جانی جاتی ہے ۔ اس کے علاوہ bronchial thermoplastic نام کی ایک سرجری بھی کی جاتی ہے اس سرجری کے دوران مریض کو دوائی کے زریعہ بے ہوش کیا جاتا ہے ۔ اس دوران گلے کے نیچے اور پھیپھڑوں سے لچکردار ٹیوب کو گزارا جاتا ہے اور ائیر ویز کے آس پاس کے پھٹوں کو حرارت دی جاتی ہے تاکہ پھٹے تنگ ہونے سے بچے اور سانس کا عمل تیز ہو یہ طریقہ علاج بہترین ہے اور اس میں کوئی سنگین خدشہ بھی نہیں ہے ۔
کیا اس مرض کا تاحیات علاج ممکن ہے؟
جیسا کہ بتا چکا کہ اس کا کوئی تا حیات علاج ممکن نہیں البتہ نئے اور جدید دواوں سے صیح استفادہ کرنے کی صورت میں طرز زندگی مثلا الرجک اور اور غیر الرجک بیماریوں کے حملوں سے خود محفوظ رہ سکتے ہیں ۔ یہ ہر عمر کے لوگوں کو متاثر کرتا ہے بس یہ ضروری نہیں کہ اگر ایک فرد کو مرض لاحق تو گھر کے باقی لوگ بھی اس سے متاثر ہو ۔ اگر یہ مرض بچپن میں ظاہر نا ہو تو ممکن ہے کہ بالغ ہونے کے بعد ظاہر ہو ۔ اس کا علاج نا ہونے کی ایک وجہ اس کا جینیات اور ماحول کی امتزاج سے پیدا ہونا ہے اسی لیے محقیق اس کی وجہ کو جانے سے قاصر ۔ کچھ محقیقیں کا خیال ہے کہ یہ وراثتی بیماری ہے اور اس نکتہ پہ تحقیق ہورہی ہے اور جینز کی شناخت پہ کام جاری ہے اور بہت کام باقی ہے
مختلف مریضوں کی آبادی میں دمہ کے بارے میں ابھی بھی بہت کچھ تحقیق کرنا باقی ہے۔ مثال کے طور پر، زیادہ تر نئی دوائیں چھوٹے بچوں میں استعمال کے لیے منظور نہیں ہیں۔ اس کے علاوہ، دمہ کے ساتھ افریقی، امریکی اور ہسپانوی آبادی کا اتنا تفصیل سے مطالعہ نہیں کیا گیا ہے جتنا کہ سفید فام آبادی کا۔ یہاں مزید معلومات کی ضرورت ہے، کیونکہ ان دو گروہوں میں زیادہ دمہ اور بدتر پیچیدگیاں ہوتی ہیں.
ایکشن پلان بنائیں تاکہ یہ ایکشن پلان آپ کو یہ فیصلہ کرنے میں مدد کر سکے کہ اگر آپ میں علامات ظاہر ہونے لگیں تو کیا کرنا ہے؟ منصوبہ آپ اور آپ کے دمہ کے لیے منفرد ہونا چاہیے۔ اگر آپ کے پاس پہلے سے کوئی ایکشن پلان نہیں ہے، تو اپنے ہیلتھ کیئر کے فراہم کنندہ سے ایک ساتھ بنانے۔ یا پھر GINA کے رہنما اصولوں کو اپنائے ۔
(مضمون نگار، ڈپائمنٹ آف زولوجی ،کراچی یونیورسٹی کا طالب علم ہے)